ភ្នំពេញ: ស្របពេលដែលខ្សែភាពយន្តភាគថៃចំនួនពីររឿងគឺរឿង «ភ្លើងស្នេហ៍ភ្លើងគំនុំ» និងរឿង «សុភាពបុរបវររុត» ដែលកំពុងតែចាក់បញ្ចាំង នៅក្នុងម៉ោង ៩:០០-១០:០០យប់ កាន់តែខិតជិតចូលមកដល់ភាគបញ្ចប់ រឿងភាគថៃថ្មីចំនួនពីរផ្សេងទៀត គឺរឿង «សុភាពបុរសភុតធិផាត់» និងរឿង «ផ្ការីកក្រោមពពក»នឹងមកអង្រួនបេះដូងប្រិយមិត្តទស្សនិកជន ដោយនាំមកជាមួយរសជាតិ គ្រប់បែបក្នុងសាច់រឿងទាំងពីរនេះ។
ខ្សែភាពយន្តទីមួយមានចំណងជើងថា «ផ្ការីកក្រោមពពក» នឹងមកជំនួសរឿង«ភ្លើងស្នេហ៍ភ្លើងគំនុំ» ដែលនឹងបញ្ចប់ទៅនៅថ្ងៃទី ០១ ខែកុម្ភៈខាងមុខនេះហើយ។ ខ្សែភាពយន្តនេះចូលរួមសម្តែងដោយស្រីស្រស់ប្រុសសង្ហារ ដូចជា DenkhunNgamnet (Prince Tawinnaron) ចាប់ដៃគូជាមួយ TishaTantiprasut (Mei/Meya) រួមទាំងតារាឆ្នើមៗជាច្រើនដួងទៀត។
«ផ្ការីកក្រោមពពក» គឺជាខ្សែភាពយន្តបែបថ្មីមួយទៀត តម្រូវអោយព្រះអង្គម្ចាស់ ថាវីន ដែលជារាជទាយាទនៃវាំងថនឺន ត្រូវរត់គេចពីការតាមសម្លាប់របស់ឧត្តមសេនីយបីនាក់។
ការរត់គេចនេះបានធ្វើអោយព្រះអង្គបានទៅដល់ប្រទេសថៃហើយក៏បានទៅជួបជាមួយនារីម្នាក់គឺនាង ចម្ប៉ា។
បន្ទាប់ពីបានជួបគ្នា នាងចម្ប៉ា ក៏បានសម្រេចចិត្តរត់គេចជាមួយព្រះអង្គម្ចាស់
ថាវីន រហូតទៅដល់ទីក្រុងបាងកក និងបានទៅលាក់ខ្លួននៅកន្លែងលោតម៉ុងសាយរបស់ហ៊ាឆូតណាំឆ័យ ដោយបានលាក់ពីប្រវត្តិរបស់ខ្លួន និងបានហ្វឹកហាត់លោតម៉ុងសាយរហូតធ្វើអោយគេក្លាយជាអ្នកជំនាញលោតម៉ុងសាយ។ ប៉ុន្តែការរស់នៅរបស់ព្រះអង្គម្ចាស់មិនបានសុខស្រួលរហូតទេ ដោយសារតែ
ឧត្តមសេនីទាំងបីនាក់នោះ នៅតែស៊ើបអង្កេត និងព្យាយាមតាមសម្លាប់ព្រះអង្គ។
តើមូលហេតុពិតគឺជាអ្វីទើបបណ្តាលអោយឧត្តមសេនីយទាំងបីនាក់នោះតាមសម្លាប់ព្រះអង្គបែបនេះ? តើខ្សែជីវិតរបស់ព្រះអង្គអាចរត់គេចពីការតាមសម្លាប់នេះដោយរបៀបណា? បើចង់ជ្រាបច្បាស់សូមកុំភ្លេចរង់ចាំតាមដានទស្សនារឿង«ផ្ការីកក្រោមពពក» ដែលនឹងផ្សាយជូនទស្សនាចាប់ពីថ្ងៃទី ០១ ខែកុម្ភៈ រៀងរាល់ថ្ងៃច័ន្ទ ដល់ថ្ងៃពុធ វេលាម៉ោង ៩:០០យប់តទៅ។
ទស្សនាឈុតខ្លីសូមចុច៖https://www.facebook.com/PNNDramaFanClub/videos/767548206734905/
ដោយឡែកខ្សែភាពយន្តភាគថៃមួយរឿងទៀតមានចំណងជើងថា
«សុភាពបុរសភុតធិផាត់» ដែលនឹងចូលខ្លួនមកបម្រើអារម្មណ៍ប្រិយមិត្តទស្សនិកជនបន្ទាប់ពីរឿង «សុភាពបុរសបវររុត»។
«សុភាពបុរសភុតធិផាត់» គឺជាសុភាពបុរសទីបីនៃសុភាពបុរសទាំងប្រាំ។
ប្រិយមិត្តប្រាកដជាមិនខកបំណងឡើយជាមួយខ្សែភាពយន្តមួយនេះ ដោយសារតែតារាដែលគ្រងដំណែងក្នុងខ្សែភាពយន្តនេះ គឺលោក JamesJirayu
(Khun Chai Puttipat)និងកញ្ញា Bella Ranee (Krongkaew) រួមនឹងតារាសម្តែងល្បីៗជាច្រើនផ្សេងទៀត។
តួអង្គ ភុតធិផាត់ ដែលសម្តែងដោយ JamesJiនៅក្នុងរឿងនេះ គឺជាគ្រូពេទ្យ
កម្លោះដ៏សង្ហារ និងជាកូនអ្នកជំនួញចិនដ៏មានទ្រព្យម្នាក់។
វាសនាបានតម្រូវអោយគ្រូពេទ្យកម្លោះម្នាក់នេះបានទៅជួបជាមួយនារីធម្មតាម្នាក់ (Krongkaew) ហើយក៏មានចិត្តស្រលាញ់ និងបានជួយនាងអោយរួចផុតពីស្រីស្នំរបស់ស្តេច ដោយរៀបគម្រោងរៀបការក្លែងក្លាយ ទាំងលាក់អារម្មណ៍ពិតរៀងៗខ្លួនព្រោះតែមិនយល់ពីចិត្តគ្នា។
រឿង «សុភាពបុរសភុតធិផាត់» នឹងចាក់បញ្ចាំងនៅថ្ងៃទី០២ ខែកុម្ភៈ រៀងរាល់ថ្ងៃព្រហស្បតិ៍ ដល់ថ្ងៃសៅរ៍ វេលាម៉ោង ៩:០០យប់ បន្ទាប់ពីរឿង «សុភាពបុរសបវររុត»៕
CEN
ដោយ: ក្រុមហ៊ុន
No comments:
Post a Comment