 |
| ស៊ុន ចាន់ថុល |
ភ្នំពេញ៖ នៅថ្ងៃទី៣០ខែមករានេះ ក្រសួងសាធារណការ និងដឹកជញ្ជូន បានដាក់ឲ្យប្រើប្រាស់សាវាសាធារណៈមួយចំនួនជាផ្លូវការ តាមរយៈប្រព័ន្ធស្វ័យប្រវត្តិកម្ម (Online) ដើម្បីឆ្លើយតបនឹងតម្រូវការរបស់ពលរដ្ឋ និងកាត់បន្ថយអំពើពុករលួយ តាមរយៈការទារប្រាក់ក្រៅផ្លូវការ ពីសំណាក់មន្ត្រីផ្តល់សេវាសាធារណៈ។
សេវាសាធារណៈតាមអនឡាញទាំងនោះរួមមាន៖ ការចុះបញ្ជីយានជំនិះ, ត្រួតពិនិត្យលក្ខណៈបច្ចេកទេសយានយន្ត (ឆៀក) និងផ្ដល់បណ្ណបើកបរតាមប្រព័ន្ធស្វ័យប្រវត្តិកម្ម ដែលបង្ករភាពងាយស្រួលដល់ពលរដ្ឋ។ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បាននិយាយថា ការផ្ដល់សេវាសាធារណៈតាមប្រព័ន្ធអនឡាញនេះ នឹងជួយកាត់បន្ថយការចំណាយក្រៅផ្លូវការ ដែលត្រូវធ្វើឲ្យមានប្រសិទ្ធភាព តម្លាភាព និងឆាប់រហ័ស។
ថ្លែងនៅក្នុងពិធីសម្ពោធប្រព័ន្ធស្វ័យប្រវត្តិកម្មនេះ លោក ស៊ុន ចាន់ថុល បានបញ្ជាក់ដូច្នេះថា៖«ការផ្ដល់សេវាយឺតយ៉ាង ធ្វើឲ្យពលរដ្ឋមិនសប្បាយចិត្ត និងចំណាយក្រៅផ្លូវការមួយចំនួន ដូច្នេះការរៀបចំឲ្យមានការកាត់បន្ថយជំនួបរវាងអ្នកផ្ដល់សេវា និងអ្នកទទួលសេវា គឺយើងអាចកាត់បន្ថយចំណាយក្រៅផ្លូវការបាន»។
ចំពោះការចុះបញ្ជីយានយន្ត និងទិញស្លាកលេខដែលមានលេខពិសេស គឺតាមរយៈអាសយដ្ឋានប្រព័ន្ធស្វ័យប្រវត្តិកម្ម https://vehicle.mpwt.gov.kh ។ រីឯការបំពេញបែបបទនិងកំណត់ពេលវេលាធ្វើឆៀករថយន្ត គឺមានអាស័យដ្ឋាន https://techinspection.mpwt.gov.kh ។ ចំណែកប្រព័ន្ធចុះឈ្មោះប្រឡងយកបណ្ណបើកបរស្វ័យប្រវត្តិកម្ម គឺតាមអាស័យដ្ឋាន https://driverlicense.mpwt.gov.kh ៕
ថ្មីៗ
អត្ថបទ : ញ៉ុង ហេង
No comments:
Post a Comment