 |
| ពិធីបើក លំហាត់ឆ្មាំអង្គរឆ្នាំ២០១៤ រវាងកងទ័ពជើងគោកកម្ពុជា និងសហរដ្ឋអាមេរិក នាខេត្តកំពង់ស្ពឺ នៅថ្ងៃទី២១ មេសា ឆ្នាំ២០១៤។ |
ឯកអគ្គរដ្ឋទូតសហរដ្ឋអាមេរិក ប្រចាំកម្ពុជា លោក វីល្លៀម ហៃដ្ដ (William Heidt) ថ្លែងនៅថ្ងៃទី៣ ខែកុម្ភៈ ថា ស្ថានទូតសហរដ្ឋអាមេរិក មិនទាន់ទទួលបានការពន្យល់ផ្លូវការពីរដ្ឋាភិបាលកម្ពុជា ចំពោះការផ្អាកធ្វើសមយុទ្ធយោធារវាងប្រទេសទាំងពីរនៅក្នុងឆ្នំា២០១៧ និងឆ្នាំ២០១៨ ឡើយ។
ទោះជាយ៉ាងណា ឯកអគ្គរដ្ឋទូតសហរដ្ឋអាមេរិក ប្រចាំកម្ពុជារូបនេះ មានប្រសាសន៍ថា ការសម្រេចចិត្តមិនធ្វើសមយុទ្ធយោធាជាមួយសហរដ្ឋអាមេរិក គឺជាសិទ្ធិរបស់កម្ពុជា។ លោកថា បើចង់ដឹងពីមូលហេតុនៃការផ្អាកនេះ ទាល់តែសួររដ្ឋាភិបាលកម្ពុជា ទើបដឹង។ ប៉ុន្តែលោកថា សម្រាប់សហរដ្ឋអាមេរិក គឺមានការសោកស្ដាយដែលឮដំណឹងនេះ។ តែលោកក៏ថា អ្នកដែលខាតមិនមែនសហរដ្ឋអាមេរិក នោះទេ។
កាលពីពេលថ្មីៗនេះ មន្ត្រីនាំពាក្យក្រសួងការពារជាតិ លោក ឈុំ សុជាតិ បានបញ្ជាក់ប្រាប់បណ្ដាញសារព័ត៌មានថា កម្ពុជាសម្រេចផ្អាកធ្វើសមយុទ្ធយោធាឆ្មាំអង្គរជាមួយសហរដ្ឋអាមេរិក ដោយសារកម្ពុជា មានព្រឹត្តិការណ៍ធំៗមួយចំនួនដែលត្រូវរៀបចំនោះ គឺការរៀបចម្ការបោះឆ្នោតជ្រើសរើសក្រុមប្រឹក្សាឃុំសង្កាត់ នៅឆ្នាំ២០១៧ និងការបោះឆ្នោតជ្រើសតាំងតំណាងរាស្ត្រក្នុងឆ្នាំ២០១៨។ លើសពីនេះ កម្ពុជាក៏កំពុងជាប់រវល់ក្នុងយុទ្ធនាការបង្ក្រាបគ្រឿងញៀនទៀតផង៕
RFA
ដោយ យាង សុជាមេត្តា
No comments:
Post a Comment